Ուկրաինայի նախագահ Վլադիմիր Զելենսկին հարցազրույցի ընթացքում անդրադարձել է իր հարաբերությունների մասին ԱՄՆ նախագահ Դոնալդ Թրամփի հետ։ Նա նշել է, որ իրենց միջև առկա տարիքային տարբերությունը կարող է ստեղծել այնպիսի դինամիկա, որը հիշեցնում է հոր և որդու հարաբերությունները։
«Մենք տարբեր սերունդներից ենք, և հնարավոր է, որ այդ պատճառով նա նման հարաբերություն է ակնկալում։ Սակայն ես նրա սիրելի որդին չէի լինի», — ասել է Զելենսկին։
Նա նաև ընդգծել է, որ չի կարող Թրամփին իր ընկեր անվանել։ Որպես օրինակ նա բերել է Ֆրանսիայի նախագահ Էմանուել Մակրոնի հետ իր հարաբերությունները՝ նշելով, որ նրանք միասին երկար ճանապարհ են անցել և միմյանց աջակցել են դժվար պահերին։
Ավելի վաղ Զելենսկին նաև համեմատել էր Ուկրաինայի հակամարտության կարգավորման շուրջ բանակցությունների ընթացքը «Սանտա Բարբարա» սերիալի հետ՝ նշելով դրա ձգձգվող բնույթը։
