Այս մասին տեղեկացնում է Կառավարության մամլո ծառայությունը։
Հանդիպման ընթացքում փոխվարչապետը նշել է, որ Եվրոպական քաղաքական համայնքի և Հայաստան-ԵՄ գագաթնաժողովները պետք է ամրապնդեն կողմերի մտադրությունը շարունակելու համագործակցությունը։ Նրա խոսքով՝ այս գործընկերությունը ուղղված է Հայաստանի ինտեգրմանը եվրոպական տրանսպորտային, էներգետիկ և թվայնացման ցանցերին, ինչը, իր հերթին, կնպաստի տարածաշրջանային խաղաղությանը և կայուն զարգացմանը։
Զրուցակիցները քննարկել են նաև ժողովրդավարական և տնտեսական դիմակայունության ամրապնդման, ինչպես նաև երկրների փոխկապակցվածության հարցերը։ Նրանք կարևորել են ռազմավարական առաջնայնություն հանդիսացող ծրագրերում ներդրումներ կատարելու հնարավորությունները՝ հատկապես հայաստանյան և ԵՄ մասնավոր հատվածների համար։
Այս քննարկումները տեղի են ունեցել Երևանում սույն թվականի մայիսին կայանալիք բարձր մակարդակի միջոցառումներին ընդառաջ։














