Այսօր ՀՀ ԱԳ նախարար Արարատ Միրզոյանի հետ հանդիպման ընթացքում ԱՄՆ պետքարտուղար Մարկո Ռուբին նշել է, որ «ԹՐԻՓՓ» նախագծի իրագործումը շարունակական աշխատանք է, որը, իր կարծիքով, հանդիսանում է համագործակցության հիանալի օրինակ։
«Այն բացում է Հայաստանը բիզնեսի համար, թույլ է տալիս տնտեսապես բարգավաճել և որևէ կերպ չի ոտնահարում Հայաստանի ինքնիշխանությունը», – նշել է պետքարտուղարը՝ ընդգծելով նախագծի կարևորությունը։
Նրա խոսքով՝ «ԹՐԻՓՓ» նախագիծը նաև շարունակական միջոց է երկու երկրների միջև հարաբերությունների ամրապնդման համար։ «Մեր երկկողմ հարաբերությունները շատ ամուր են և շարունակում են ամրապնդվել այս համաձայնագրերի միջոցով», – հավելել է Մարկո Ռուբին։
Այս հայտարարությունը հստակ ցույց է տալիս, թե որքան կարևոր է «ԹՐԻՓՓ» նախագիծը ԱՄՆ-ի համար՝ որպես Հայաստանի հետ երկկողմ հարաբերությունների զարգացման և տարածաշրջանում տնտեսական ինտեգրման գործիք։
