Վերաքննիչ դատարանը մերժել է դատախազության բողոքը և թողել անփոփոխ ԱԺ նախկին նախագահ, ներկայումս Արտգործնախարար Արարատ Միրզոյանի ծեծի գործով մեղադրյալներից Արա Միհրանի Բադոյանի 3,5 տարվա ազատազրկման որոշումը։
Դատախազությունը պահանջել էր դատարանից Բադոյանի համար ավելի խիստ պատիժ սահմանել, սակայն վերաքննիչ ատյանը հրաժարվել է բավարարել այդ պահանջը՝ առաջին ատյանի դատարանի որոշումը համարելով օրինական և հիմնավոր։
Հիշեցնենք, որ դեպքը տեղի է ունեցել 2020 թվականի նոյեմբերի 9-ին՝ կապիտուլյացիոն հայտարարության ստորագրումից հետո։ Քաղաքացիներն ինքնաբուխ հավաքվել են, մուտք գործել Ազգային ժողովի շենք, իսկ Արարատ Միրզոյանի նկատմամբ բռնությունը տեղի է ունեցել հենց այդ օրը՝ փողոցում։
Ըստ մեղադրական փաստաթղթերի՝ Արա Բադոյանին մեղադրանք է առաջադրվել այն բանի համար, որ նա, տեղեկանալով համացանցի միջոցով, որ Երևանում կառավարության շենքի մոտ զանգվածային անկարգություններ են տեղի ունենում, գնացել է նշված վայր և միացել անկարգությունների մասնակիցներին։
Այս դրվագով մի քանի քրեական գործ է ուղարկվել դատարան, մյուս դրվագներով քննությունը դեռ շարունակվում է։
Նշանակալի է, որ 6 տարի անցնելով Արարատ Միրզոյանին ծեծի ենթարկելու դեպքից, մինչ օրս բուն կատարողները հայտնաբերված չեն։
Արարատ Միրզոյանի ծեծի գործով մեղադրյալներից մեկը՝ Թորգոմ Ասատրյանը, դատապարտվել է 5,6 տարվա ազատազրկման։ Նրա փաստաբանը պնդում է, որ իր պաշտպանյալը ոչ մի ապացույց չունի, որ հարվածել է Միրզոյանին, և տեսանյութերում նա չի երևում։ Դատարանի որոշումը հիմնված է եղել բացառապես Արարատ Միրզոյանի ցուցմունքների վրա։
