Իջեւանում Քրեական ոստիկանության աշխատողները քաղաքացիական հագուստով հերթապահում են ընդդիմադիր քաղաքական ուժերի շտաբների մոտակայքում։ Այս մասին տեղեկացնում է «Հրապարակ» օրաթերթը։
Ըստ աղբյուրի՝ ոստիկանների մեծ մասը Տավուշի մարզի բնակիչներ չեն։ Նրանք հույս ունեին, որ իրենց չեն ճանաչի, սակայն իջեւանցիները հաջողությամբ ճանաչել են նրանց։
Իջեւանցիները վրդովված են այս իրավիճակով և պնդում են, որ Քրեական ոստիկանությունը զբաղված է հանրությանը ահաբեկելու գործով։
Հոդվածի ամբողջական տարբերակը հրապարակվել է «Հրապարակ» օրաթերթի այսօրվա համարում։










