Քայլը կոմունիկացիայի նախարարի պաշտոնից հեռացված Աննա Գրիգորյանի հայտարարությունից հետո ավելի է սրվել։ Ըստ աղբյուրների՝ իշխանությունները հետընտրական շրջանում իրականացնում են «չիստկա» պետական գերատեսչություններում։
Այս գործընթացը սկսվել է ՔՊ-ի հունիսի 5-ի ամփոփիչ հանրահավաքից հետո։ Այդ օրվա ընթացքում վարչական ռեսուրսը մոբիլիզացվել էր՝ հրահանգ իջեցնելով պետական աշխատողներին, որ բոլորն առանց բացառության մասնակցեն Հանրապետության հրապարակի հանրահավաքին։ Զգուշացում էր տրվել, որ աշխատակիցները պետք է մնան մինչեւ վերջ, քանի որ նրանց ներկայությունը եւ բացակայությունը կուշադրվի հատուկ նշանակված վերակացուների կողմից։
Հիմա, ըստ աղբյուրների, վերակացուները արդեն մի քանի օր է՝ պարզաբանումներ են պահանջում այն աշխատակիցներից, որոնք հանրահավաքին չեն ներկայացել կամ ներկայացել են, սակայն շուտ են հեռացել։ Այս գործընթացի նպատակը, ինչպես նշվում է, յուրայիններից եւ ընդդիմադիրներից բաղկացած ցանկերի կազմումն է, որոնք հետագայում կօգտագործվեն որոշակի քայլեր ձեռնարկելու համար։
Այսպիսով, պետական ծառայության համակարգում ստեղծված լարվածությունը եւ վախը ավելի են խորանում, ինչը հանգեցնում է աշխատակիցների միջեւ անհատական եւ հավաքական դիմադրության ցանկությանը։










