Օրերս իմ թիմը հետաքրքրվեց մեր երկրի մարզահամերգային համալիրի վարձակալության պայմաններով, հատկապես այն մասով, որը վերաբերում է քաղաքական միջոցառումների կազմակերպմանը։ Իհարկե, հարցումը սկիզբ առավ ապրիլի 4-ին և 5-ին համալիրում տեղի ունեցած երկու միջոցառումներից հետո։ Ապրիլի 4-ին մեծ դահլիճում տեղի ունեցավ «Քաղաքացիական պայմանագիր» կուսակցության համագումարը, իսկ երեկոյան, փոքր դահլիճում՝ «Վարչաբենդ» խմբի համերգը։
Համալիրի տնօրեն Կարեն Ղազարյանի հետ կատարած զրույցից պարզ դարձավ, որ երկու դահլիճն էլ վարձակալության տրամադրվել են Փաշինյանի թիմին։ Նրա խոսքով՝ փոքր դահլիճի համար վճարվել է 3 միլիոն դրամ, իսկ մեծի՝ 5 միլիոն։
Սակայն, մեր հետաքրքրությունը չսահմանափակվեց միայն այդ տեղեկությամբ։ Մենք փորձեցինք պարզել, թե արդյոք այլ քաղաքական ուժերին նույնպիսի միջոցառումներ կազմակերպելու համար առաջարկվում են նույն պայմաններ։ Կարեն Ղազարյանը հստակ հերքեց այն տեսակետը, թե այլ կուսակցություններին գներն անհամեմատ ավելի բարձր են։ Նա նշեց, որ համալիրը բոլոր քաղաքական ուժերին նույն պայմաններն է առաջարկում։
«Ուժեղ Հայաստան» կուսակցությունից ստացված տեղեկությունների համաձայն՝ նրանք փոքր դահլիճի համար վճարել են 6 միլիոն դրամ, իսկ մեծի՝ 15 միլիոն։ Նույն ցուցանիշները հայտնեցին նաև «Հայաստան» դաշինքի ներկայացուցիչները։
Այս տվյալները հակասում են մարզահամերգայինի տնօրենի հայտարարությանը, ինչը հանգեցրեց մեր հետաքրքրության աճին։ Մենք դիմեցինք նաև երաժիշտների և պրոդյուսերների, որոնցից մեկը մեզ ասաց, որ փոքր դահլիճի վարձակալության գինը կազմում է 5-6 միլիոն դրամ՝ կախված սեզոնից, իսկ մեծի՝ 10-15 միլիոն։
Վերջում մենք փորձեցինք պարզել նաև նախասրահի (ֆոյեի) վարձակալության գները, սակայն այդ հարցումը չհաջողվեց։ Կարեն Ղազարյանը նշեց, որ, բացի Փաշինյանի կողմից կազմակերպված միջոցառումներից, այդ տարածքը վարձակալելու նպատակով դիմել է միայն մեկ քաղաքական ուժ՝ «Քաղաքացիական պայմանագիր» կուսակցությունը։
