Հրապարակ թերթի տեղեկությունների համաձայն՝ Արագածոտնի թեմի առաջնորդի, Վեհափառի քրոջ որդու՝ Մկրտիչ եպիսկոպոս Պռոշյանի նկատմամբ տեսակցությունները դեռևս արգելված են։ Նրան կարող է այցելել միայն մայրը։
Այսպիսով, նախաքննության մարմինը «ընտանիք» հասկացությունը շատ նեղ շրջանակում է ընկալում, ինչի արդյունքում մյուս հարազատներին, այդ թվում՝ ԱԺ պատգամավորներին, այցելելու իրավունք չի շնորհվել։
Օրինակ, Նարեկ Կարապետյանին արգելում են այցելել իր եղբորորդուն՝ Սամվել Կարապետյանին, քանի որ նախաքննության մարմինը նրանց հարաբերությունները «ընտանիք» չի համարում։ Նույնպես այս պատճառով արգելված են նաև Արշակ սրբազանի այցելությունները, որը դեկտեմբերի 5-ից գտնվում է կալանավորման մեջ։ Նրան կարող են այցելել միայն եղբայրը՝ Արարատյան թեմի հոգեւոր սպասավոր Տեր Հակոբը, և նրա տարեց մայրը։
Բացառություն է կազմում Բագրատ սրբազանը, նրա նկատմամբ տեսակցությունները թույլատրված են։ Նույնպես տեսակցությունների արգելք չկա Միքայել սրբազանի համար, որի նկատմամբ արդեն իսկ կայացվել է առաջին ատյանի դատավճիռ։
Հարկ է նշել, որ սրբազանները գտնվում են տարբեր կալանավայրերում։ Մկրտիչ սրբազանը՝ «Նուբարաշեն» ՔԿՀ-ում, Բագրատ և Արշակ սրբազանները՝ ԱԱԾ-ին կից ՔԿՀ-ում, իսկ Միքայել սրբազանը՝ «Իզմիրլյան» բժշկական կենտրոնում է, որտեղ նախատեսվում է իրեն վիրահատել։
